31 January 2013

ХХОАТатварын чөлөөлөлт

1 дахь өдөр хувь хүний орлогын албан татварын хөнгөлөлтөнд хамрагдахаар материалаа Сүхбаатар дүүргийн татварын хэлтэст өгсөн. Материал бүрдүүлэлт бас л заваан ажил юм билээ. Анх удаа байр худалдан авсан хүмүүст зориулсан 14 пунк бүхий жагсаалтыг татварын сайтаас татаж аваад бага багаар нь 1 сарын эхнээс цуглуулж байсан нь болж. Бүх материалаа баараггүй бүрдлээ гэж үзээд, өөрөө сайн гэгч хянаад, 9:20 гэхэд хянуулахаар татварын хэлтэс дээр очсон байлаа. 2 давхарт 7-8 татварын байцагч материал хянаж зөвөлгөө өгч байв. 4-5 хүний ард нэрээ бичүүлээд хүлээв. 15 мин. дараа суларсан байцаагч дээр орох гэтэл үүдэнд дараалал зохион байгуулж байсан охин "Та татварын цэнхэр дэвтэрээ канондуулсан уу?" гэж асуув. Би "Канонд гэж байгаагүй, эх хувиараа гэсэн байсан шүү дэ" гэтэл коридорт хадаатай байгаа жагсаалт дээр хуулбарын цуг гэсэн байгаа гээд намайгаа буцаах гэж оролдов. Хэрэв би үүднээс буцаад, тэрийг нь канондоод ирвэл дахиад дараалалд зогсоно, байцаагч бас буцаах магадлал өндөр, 2-3 эргэж буцаж заваарна. Төрийн механизм хүнийг хэд ч явуулж чадна гэдгийг сайн мэддэг хүний хувьд би хэлэв: "Миний дараалал мөн биз дэ? Би материалаа шалгуулаад яг юу юу дутуугаа мэдэж аваад гарна. Нэг л удаа буцмаар байна". Дуртай дургуй оруулав. Байцаагч материалыг хянаж үзээд сайн бүрдүүлж, гэхдээ анхаарах хэдэн зүйл байна гэв. Үүнд:
1. Дээр хэлсэнчлэн татварын дэвтрээ хувилуул. Нотариатаар баталгаажуулаад хэрэггүй.
2. Нотариатаар батлуулсан бүх материалын огноо 2013 он гэж байх ёстой. Таны байр захиалгын гэрээ 2011 онд батлагдаж. Тиймээс одоо нотариат орж баталгаажуул. (Би аз болж бусад материалаа он гарсан хойно 1 сард баталгаажуулсан, эрт хөдлөөд 12 сард батлуулсан бол хүчингүй болох байж).
3. Урьдчилгаа 30% төлсөн мөнгөнийхөө эх үүсвэрийг баталгаажуул. Татвар төлсөн орлого байх ёстой гэв. Би хариулав:
- Би одоо гараад нотариусаар гэрээг батлуулчихна, дэвтрээ канондуулчихна. Харин урьдчилгааг би цалингийн хуримтлалаар төлсөн. Энэ материал нь гээд нөөцөлж байсан баримтуудаа гаргав. Ингэхийг нь мэдээд сүүлийн 5 жилийн цалингийн тодорхойлолтоо ажлын газрын бланк дээр хэвэлчихсэн, цалингийн дансны хуулгыг ХХБанкаар баталгаажуулчихсан байсан юм. Тэнд буй цалингийн нийлбэрийн 50% урьдчилгаанд төлсөн дүнд хүрч байх ёстой гэдгийг ажлын газрын санхүүгийнхан надад хэлсэн байв. Хадгаламжийн дэвтрийн хуулбар, данснаас гарсан баримт г.м. элдэв зүйл нэхэхээр нь хэлсэн: - Хүн хуримтлалаа заавал арилжааны банкинд хадгалах албагүй биз дэ? Би гэртээ хадгалсан, хүмүүст зээлүүлж өсгөх нь хууль бус үйлдэл биш биз дэ? Байцаагч тооны машин дээр хэдэн тоо цохиод таны хувьд болох юм байнаа гээд материалын хуудаснуудыг дугаарлаж, тамгаа дарав. Би гарч гүйгээд канон, нотариат орчихоод бусад материалдаа авчирснаа хавсаргав. Тэгээд 2 маягт (А, Б) бөглөв. 1 давхарт байрлах нэг цэгийн үйлчилгээн дээр дахиж хянуулаад, хүлээлгэн өгөв. Одоо андуураагүй бол ахлах нь хянаад Нийслэлрүү шилжүүлнэ. 4 шүүлтүүрийн 2-ыг нь ямартаа ч давсаан.

Louvre. Egypt. Part 1

2010.04.23-ны фотозурагнууд. Луврын танхимуудад францууд Египетээс зөөж ирсэн зүйл юу байгааг үзэцгээе.
Тутанхамоныг ивээгч Amon бурхан гэж тайлбараас ойлголоо.
Хамгийн өөдгүй нь бүх тайлбар франц хэл дээр.
Хүний дүрс элбэг.
Төгсгөлд нь Суданы ганц баримал.

Жуулчлал, дэмий тэнэлт

Нэг газар удаан байвал хүн солиорно. Бүх насаа уулын мухарт өнгөрөөнө гэдэг аймшиг. Тиймээс хүн ийш тийш явж, үзээгүйгээ харж, шинэ зүйл мэдэж авах эрмэлзэл хүсэлтэй байдаг. Үүний тулд гоц гойд зүйл шаардлагагүй. Бидний Эх оронд очиж үзэх газар нэг насанд хүрэлцэхүйц их. Зүгээр л үүргэвчиндээ солих оймсоо хийж аваад шуудангийн автобус, гал тэрэг, замын унаанд суугаад харсан зүгтээ явхад хангалттай. Хүн жилд нэг удаа урд нь очиж үзээгүй ямарваа нэг газар очиж байх ёстой.
Гадаадруу явах гэж буй бол тодорхой хэмжээний зардал мэдээж гарна. Гэхдээ жуулчины компаниар үйлчлүүлэх нь төдийлөн сайн сонголт биш. Өөрийн чинь цагийг өөрийн чинь өмнөөс зохицуулаад, үзэж харахаас эхлүүлээд идэж уухыг чинь таны өмнөөс шийдчихсэн хөтөлбөрт баригдаж аялаад яах юм? Виз авлаа, буудал интернэтээр захилаа, очлоо. Энэ тохиолдолд та өөрөө өөртөө эзэн. Амай энд сайн жишээ болно.

Ludovico Einaudi - Nuvole Bianche

30 January 2013

Тулам булаалдах. 1-р хэсэг

2012.08.07. Баян-Өлгий айсаг, Сагсай сум. Цувралын эхний хэсэгтэй танилцаж болно. 
Бие халааж дууссан хойно нойтон ямааны арьс гаргаж чулуудав.
Шодож хэн нь хэнтэй булаацалдахыг тодруулсан хойно тэмцээн эхлэв. Хоёртын системээр хасагдах журмаар үзэлцэв.
Уг нь тулам өвчсөн ямааг булаацалддаг. Тэгээд ялсан хүн тэрхүү ямааг хэн нэгний гэрийн дээр аваачиж чулуудсанаар тухайн айл махыг нь чанаж, идээ будаа бэлдэж тэнд найр наадам болдог уламжлалтай юм билээ. Газар хэвтэх туламыг ээлжлэн эмээлэн дээрээсээ шүүрэх гэж оролдно.
Түрүүлж авч чадсан нь барьцаа эхэлж авна. Энэ нь мэдээж ашигтай.
 
Арьсаар бүсэлхийгээ ороож аваад морио гуядаж давхих нь өрсөлдөгчөө барьц алдуулах хамгийн найдвартай арга юм шиг санагдсан.
Хурд саарсан үед есөн шидээр зулгааж, өөрийн мориор өрсөлдөгчийнхийг хашина.
Гар мужиж барих энүүхэнд.
Тулаанд ялагч ямааны арьсаар дүүгүүрдэн эргүүлнэ.

My Chemical Romance - The Ghost Of You

Цуглуулга

Lumen - Вся вера и любовь этого мира

UPD 2013.01.30 10:50
Restored.


2009.11.05 09:45

Петровские ворота

2012.06.25-ны өглөө. Питер, Петропавловка. Барокко архитектуртай энэхүү хаалгыг Петровские ворота гэнэ.
Шведуудыг ялсан Северная война буюу Хойд дайны ялалтад зориулагдсан бүтээл. Хаалган дээр "Низвержение Симона-волхва апостолом Петром" сэдэвт барельеф бий.
Энд Петр I-ийг гэгээн Петр-тэй, шведийн хаан Карл XII-ыг Симон-той харгалзуулан үзэж болно. Далд утга нь л да.
Арк дээрх сүлд.
2 хажуугаар энгийн хөшөөнүүд
Хаалгыны дэргэд жуулчидад зориулсан худалдаа цэцэглэнэ.
Хүсвэл segway түрээсэлж унаж болно.

Сүүдрийн шоу


Lumen - Сколько

UPD 2013.01.30 09:33
Restored.


2009.11.05 16:17

Клипийг нь үзэж бас болно.

Собачье сердце

UPD 2013.01.30 09:09
Алагдсан линкийг сэргээж дахиж нэг бичлэг орууллаа.


2009.11.15 11:15
Булгаков - гайхалтай зохиолч.
Собачье сердце - гайхалтай зохиол.
Кино нь ч гэсэн гайхамшиг.

29 January 2013

Дугуйн спорт

Армстронг сэргээш олон жил хэрэглэсэн сүүлийн үеийн дуулиантай холбоотой пост.
"Тур де Франс" уралдааныг 1903 онд L’Auto сонингийн сэтгүүлчид анхлан зохиосон. Тухайн үедээ Le Petit Journal-ын зохион байгуулдаг Paris - Brest дугуйн уралдааны өрсөлдөгч болох зорилготой байсан юм. Эхний үед дүрэм маш чанга байв: дасгалжуулагч тамирчинд туслах эрхгүй, дугуйчин бүх сэлбэг, хоол хүнс, хувцас хунараа өөрөө тээвэрлэх ёстой.
Энэ уралдаан маш хүнд хэцүү болохоор допингийн хэрэглээ нь хавтгайрсан. 1924 онд ах дүү Пелисье ярилцлага өгөхдөө стрихнин, кокаин, хлороформ, аспирин г.м. есөн шидийн сэргээш хэрэглэснээ санаа зовох зүйлгүй хүлээн зөвшөөрсөн байдаг.
1930 оны тэмцээний брошюрд зохион байгуулагчид оролцогсодын допингийг хариуцахгүй, сэргээшээ өөрсдөө бэлд гэсэн заалт бий.

Yann Tiersen - La Valse d'Amelie

UPD 2013.01.29 14:11
Restored.


2009.11.96 11:02

Дээд цагаан нуурын рашаан

2011.08.18. Хөвсгөл. Ренчинлхүмбэ сумаас гараад Улаан-Уулыг зорив.
Дээд цагаан нуурын рашаан замд таасан юм. Машинаас буугаад ирсэн - нил хүхэр. Яг Шаргалжуут шиг.
Хөрс нь намгархаг, шавар шавхай их.
Ундаргын толгойн чулуунууд дээр ямар эрхтэнд таарч тохирохыг нь бичиж.

Сүүдэр гаргаж цохижээ бас.
Ундаргын эхийг хамгаалахын тулд урт мод байрлуулж рашааныг зайнаас хүртэх боломжийг бүрдүүлж. Эсвэл чулуунуудаар хаалт бүтээж.
Мөнхийн чигтэй, халуун рашаан болохоор хөрс өвөлдөө ч хар байдаг гэсэн. Дамнуурга моднууд дээр хөвд ургасан байх нь элбэг.
Хажууханд нь овоо үүсэж эхэлж.
Нэг нэг аяга рашаан уучихаад цааш давхицгаав.
Улаан-Уулруу орж ирлээ.